1. რა მონაცემებს ვაგროვებთ
- ანგარიშის მონაცემები — ელფოსტა და (Google-ით შესვლისას) სახელი/პროფილის ფოტო.
- თქვენი ვიდეოები — ატვირთული და ნათარგმნი ფაილები, მხოლოდ შეკვეთის შესრულების მიზნით.
- ოპერაციების ისტორია — კრედიტების ბალანსი, თარგმნების რაოდენობა, ტრანზაქციები.
- ტექნიკური ლოგები — შეცდომებისა და უსაფრთხოების ჩანაწერები, მათ შორის IP-მისამართი (ბოტებისგან და ბოროტად გამოყენებისგან დასაცავად).
- დახმარების ჩატი — თუ AI ასისტენტს მისწერთ, მიმოწერა ინახება და მუშავდება პასუხის გასაცემად.
2. სად და როგორ ინახება
მონაცემები ინახება Google Cloud / Firebase ინფრასტრუქტურაზე (რეგიონი: us-central1, აშშ). ვიდეოს დამუშავებაში მონაწილეობს Google-ის ხელოვნური ინტელექტის სერვისები (მეტყველების ამოცნობა, თარგმნა, გახმოვანება).
3. შენახვის ვადები
- ატვირთული და ნათარგმნი ვიდეოები — ავტომატურად იშლება 48 საათში.
- ანგარიშის და ტრანზაქციების მონაცემები — სანამ ანგარიში არსებობს.
- ტრანსკრიფცია და თარგმანის ტექსტი — ინახება უვადოდ, თარგმნის ჩანაწერთან (თარიღი, ხანგრძლივობა, ფაილის სახელი, ხარჯი) ერთად, სანამ ანგარიში არსებობს. ეს გვჭირდება ისტორიის საჩვენებლად, ხარისხის საკითხების და დაბრუნების მოთხოვნების განსახილველად, საავტორო უფლებების პრეტენზიებზე რეაგირებისა და ბოროტად გამოყენების პრევენციისთვის. ვიდეო თავად 48 საათში იშლება — ტექსტი კი არა.
- ანგარიშის წაშლისას ან თქვენი მოთხოვნით ტრანსკრიფცია/თარგმანის ტექსტი იშლება, გარდა იმ ჩანაწერებისა, რომელთა შენახვასაც კანონი ან მიმდინარე დავა მოითხოვს.
4. ვის ვუზიარებთ
თქვენს მონაცემებს არავის ვყიდით. მონაცემები მუშავდება მხოლოდ სერვისის მიწოდებისთვის საჭირო ტექნიკური პროვაიდერების მეშვეობით:
- Google Cloud / Firebase — ჰოსტინგი, ავტორიზაცია, მონაცემთა შენახვა და ვიდეოს დამუშავება (მეტყველების ამოცნობა, თარგმნა, გახმოვანება).
- Resend — ტრანზაქციული ელფოსტის დაგზავნა (ვერიფიკაცია, პაროლის აღდგენა, ქვითრები, გუნდის პასუხები, კრედიტის ვადის შეხსენება).
- Google reCAPTCHA Enterprise — ბოტებისგან დაცვა.
- ავტორიზებული საგადახდო პროვაიდერი — ონლაინ გადახდის დამუშავება; ბარათის მონაცემები პირდაპირ პროვაიდერს გადაეცემა და ჩვენამდე არ აღწევს.
კანონით გათვალისწინებულ შემთხვევებში შესაძლოა მოგვიწიოს ინფორმაციის გაცემა უფლებამოსილ ორგანოებზე.
5. თქვენი უფლებები
- ნებისმიერ დროს შეგიძლიათ მოითხოვოთ თქვენი მონაცემების ასლი ან წაშლა.
- ანგარიშის წაშლის მოთხოვნისას წაიშლება თქვენი პროფილი, ფაილები, ტრანსკრიფცია/თარგმანის ტექსტი, ფაილების სახელები, კონტაქტ-ფორმის წერილები და ჩატის ჩანაწერები. ფინანსური ჩანაწერები (გადახდები, კრედიტების მოძრაობა, თარგმნის ხანგრძლივობა/ღირებულება) ინახება საბუღალტრო და საგადასახადო კანონმდებლობით დადგენილი ვადით, თქვენი სახელისა და ელფოსტის გარეშე.
- მოთხოვნისთვის გამოიყენეთ კონტაქტის ფორმა ან მოგვწერეთ aivotranslate.ge@gmail.com-ზე.
6. Cookies და ლოკალური მეხსიერება
საიტი ბრაუზერის ლოკალურ მეხსიერებას მხოლოდ ტექნიკური მიზნით იყენებს: ავტორიზაციის სესია (Firebase Authentication), მიმდინარე გახმოვანების იდენტიფიკატორი (რომ გვერდის განახლებისას პროგრესი არ დაიკარგოს; ატვირთვისას 2 საათი, ლინკით შეკვეთისას 14 საათი; ჩამოტვირთვის გასახსნელი ნიშანი 48 საათი), დახმარების ჩატის მიმდინარე მიმოწერა (ტაბის დახურვამდე) და გადახდის ნაბიჯის დროებითი მონიშვნა. ეს მონაცემები გამოიყენება ჩვენი სერვისისა და მისი ტექნიკური პროვაიდერების ფარგლებში. სარეკლამო ან თვალთვალის cookies არ გვაქვს.
ერთჯერადი საჩუქრის განმეორებით მიღების შესაზღუდად ბრაუზერში ვინახავთ შემთხვევით იდენტიფიკატორს (cookie და localStorage). ის ანგარიშიდან გასვლისას არ იშლება. სერვერზე ინახება ამ ნიშნულის ჰეში და ბონუსის მიღების ჩანაწერი; ანგარიშის წაშლა ბონუსის ისტორიას არ ანულებს. ეს ნიშნული მხოლოდ ჩვენს საიტზე გამოიყენება და სხვა საიტებზე აქტივობას არ აკვირდება. დროებითი ელფოსტის დომენებს ადგილობრივი სიით ვამოწმებთ; ამ შემოწმებისთვის ელფოსტა გარე სერვისს არ ეგზავნება.
7. ცვლილებები
პოლიტიკის განახლებისას შეიცვლება ამ გვერდის თარიღი. არსებით ცვლილებაზე ვეცდებით დამატებით გაცნობოთ.
8. მონაცემთა დამმუშავებელი და კონტაქტი
თქვენი მონაცემების დამმუშავებელია ინდივიდუალური მეწარმე ირაკლი მალაზონია (საიდენტიფიკაციო № 61001086763).